ماتادۆری ئیسپانی رافایل نادالی دووەمی تێنسی سەرزەوی جیهان گوتی ویستی زۆرم هەیە بۆ گەڕانەوە بۆ یاریكردن و بەشداری كردن لە پاڵەوانیەتییەكانی كۆتایی وەرزی ئەمساڵدا دوای ئەوەی دەستم بە مەشقی چڕ كردەوە.
نادال كە پشووی خۆی بۆ ماوەی 3 رۆژ بە ئەنجامدانی یاری گۆڵفەوە بردە سەر گوتی من بە توندی لە مەشق بەردەوامم، بۆیە دەمەوێ یارییەكانی كۆتایی وەرزی ئەمساڵ ئەنجام بدەم و ئاستم بەرەو پێش ببەم.
یاریزانە گەورەكانی تێنس ئێستا خۆیان بۆ دوا دوو پاڵەوانیەتیی وەرزی ئەمساڵ ئامادە دەكەن، كە یەكەمیان بریتییە لە پاڵەوانیەتیی ماستەرزی فەرەنسا كە رۆژی 7ی مانگی داهاتوو دەست پێدەكات و ئەویتریشیان بریتییە لە پاڵەوانیەتیی جیهان كە رۆژی 20 مانگی 12 ئەنجام دەدرێ.