هێرشبەری ئەڵمانی بەناوبانگ میرۆسلاڤ كلۆزە هیوای ئەوەی خواست لە یاریكردن لەگەڵ هەڵبژاردەی ئەڵمانیا بەردەوام بێت تا كۆتایی یارییەكانی مۆندیالی بەرازیل 2014 دواتر بەیەكجاری واز لە یاریكردن دەهێنێت، كلۆزە لە لێدوانیكدا بۆ گۆڤاری كیكەری ئەڵمانی گوتی: ئەگەر كارەكان بە باشی بڕوات ئەوە تا ساڵی 2014 لەگەڵ یانەی لازیۆ یاری دەكەم دواتر بەشداری لە مۆندیالی بەرازیل دەكەم و لەدواییدا هەموو شتێك كۆتایی دێت، هەموو ئەوانەی من دەناسن دەزانن من شەیدای مۆندیالم.
كلۆزە خاوەن مێژوویەكی پڕشنگدارە لە هەڵبژاردەی ئەڵمانیا، لە 112 یاری بەشداریكردووە و 68 گۆڵی تۆماركردووە لە دووری 6 گۆڵ لە گۆڵكەری مێژوویی ئەڵمانیا گێرد مۆلەر كە خاوەن 68 گۆڵە، لە مۆندیالیش كلۆزە خاوەن 14 گۆڵە بە جیاوازی یەك گۆڵ لەگەڵ رۆنالدۆی بەرازیلی خاوەن 15 گۆڵ كە گۆڵكەری مێژوویی مۆندیالە.