میگێل باردیسا بەڕێوەبەری وەرزشی لە یانەی ریال مەدرید بیرۆكەی ئەوەی رەتكردەوە كە یانەكەی رازی بێت بە پێدانی راهێنەری یانە جۆزێ مۆرینهۆ بە هەڵبژاردەی پورتوگال بە شێوەی خواستن بەمەبەستی سەرپەریشتیكردنی هەڵبژاردەی پورتوگال لە یارییەكانی پاشكۆی یۆرۆی 2012 لە بەرامبەر هەڵبژاردەی بۆسنیا لە رۆژانی 11 و 15 ی تشرینی دووەمی داهاتوو، باردیسا هەواڵەكانی رۆیشتنی مۆرینهۆ بۆ پورتوگال بە پڕوپاگەندە وەسفكرد، لەلایەن خۆیەوە مۆرینهۆ لە لێدوانێكدا دووپاتیكردەوە كە ئەم هەواڵە درۆیەكی گەورەیە و ئەو ناتوانێت ئەم ئەركە وەربگرێت.
لە هەمان كاتدا یانەی ریال مەدرید پاڵپشتی خۆی بۆ یاریزان كریستیانۆ رۆنالدۆ راگەیاند لە یارییەكانی پاشكۆی پاڵاوتنی یۆرۆی 2012 بە مەبەستی گەیاندنی هەڵبژاردەی پورتوگال بۆ یۆرۆی 2012 لە هەردوو وڵاتی پۆڵەندا و ئۆكرانیا.