جیرارد پیكێ یاریزانی یانەی بەرشلۆنە و هەڵبژاردەی ئیسپانیا لە یاری یانەكەی بەرامبەر یانەی رایسینگ سانتادێر یاری ژمارە 150 لەگەڵ بەرشلۆنە ئەنجامدا، بەڵام بۆ ماوەی 8 خولەك بەشداریكرد و تووشی پێكان هات و بۆ ماوەی 15 رۆژ لە یاریگاكان دوور دەكەوێتەوە، پیكێ یەكەم یاری لە تیپەكەی گواردیۆلا لە بەرامبەر یانەی ڤیسلا كراكۆفی پۆلەندی بوو لە خولی یانەكانی ئەوروپا لە رۆژی 13/8/2008، لەو كاتەوە تا یاری رایسینگ 150 یاری ئەنجامداوە، 90 یاری لە لیگا و 14 یاری لە جامی ئیسپانیا و 37 یاری لە چامپیۆنز لیگ و 5 یاری لە سوپەری ئیسپانیا و یەك یاری لە سوپەری ئەوروپا و دوو یاری لە جامی جیهانی یانەكان . بیكێ بە درێسی یانەی بەرشلۆنە 11 گۆڵی تۆماركردووە، لەوانە 6 گۆڵ لە لیگا و 4 گۆڵ لە چامپۆنز لیگ، بەناوبانگترین گۆڵەكانیشی لە ریال مەدرید بوو لە یاریگای سانتیاگۆ بەرنابیۆ لە ساڵی 2009 كە بەرشلۆنە یارییەكەی بردەوە بە ئەنجامی (6 – 2 ) گۆڵ .