داڤید لویزی بەرگریكەری یانەی چێڵسی ئینگلیزی دووپاتی كردەوە كە هەوڵی زۆر دەدات بۆ ئەوەی شوێنێكی سەرەكی لە پێكهاتەی یانەی چێڵسیدا بۆ خۆی مسۆگەر بكات.
لەوەتەی ڤیلاش بواش بووەتە راهێنەری چێڵسی لویز یاریزانی سەرەكی نییە لە زۆرینەی یارییەكاندا و لە یاری هەفتەی رابردووی یانەی چێڵسیدا بەرامبەر جینكی بەلجیكی كە بە 5-0 لە بەرژەوەندی چێڵسی كۆتایی هات، لویز یاریزانێكی سەرەكی بوو.
ئەو بەرگریكەر بەرازیلییە لە لێدوانی بۆ ماڵپەری چێڵسی گوتی هەوڵ دەدەم بە شێوەی بەردەوام لە ریزی پێكهاتەی سەرەكی یانەكەدا بم، هەرچەندە یانەكە چەندین یاریزانی ئاست بەرز و بە توانای تێدایە كە دەتوانن شوێنی سەرەكی بۆخۆیان بگرن.
لویز زستانی رابردوو بە 35 ملیۆن یۆرۆ لە یانەی بەنفیكای پورتوگالییەوە پەیوەندی بە یانەی چێڵسییەوە كرد و چەندین یانە ئەوكات هەوڵی كڕینی ئەو یاریزانەیان دەدا.