ئەدیسۆن چارای یاریزانی تۆپی پێی كۆڵۆمبی لە بارودۆخێكی نادیاردا كوژرا، لەسەردەستی كەسێكی نەناسراو كاتێك ئەە یاریزانە لەگەڵ چەند هاوڕێیەكیدا بوو لە شارۆچكەی بویترۆ یتخادا.
چارای 31 ساڵ هێرشبەری یانەی دالیان ئەیربینی چینی بوو و لە كاتی كوشتنەكەیدا لەگەڵ چەند هاوڕێیەكی كۆنكانی دەكرد كاتێك كەسێكی نەناسراو بەسەر ماتۆرسكیلێكەوە لێی نزیك كەوتەوە و تەقەی لێكرد و كوشتی.
ئەو یاریزانە بە برینداری گەیەنرایە نەخۆشخانەی بویرتۆ یتخادا لە باشووری رۆژئاوای كۆڵۆمبیا و دوای مانەوە بۆ نزیكەی 12 سەعات گیانی لە دەستدا.
بەرپرسێكی پۆلیسی ناوچەكە گوتی لێكۆڵینەوە لە رووداوەكە دەستی پێكردووە و هەندێك شایەدحاڵ دەڵێن ئەو یاریزانە لە ناو شەڕێكی دەستەویەخەدا كوژراوە.
چارای بۆ چەندین یانەی ناوخۆیی كۆڵۆمبیا و دەرەوەی وڵاتەكەی یاری كردووە.