سێر ئەلێكس فێرگسۆنی راهێنەری یانەی مانچستەر یونایتدی ئینگلیزی پەسنی ئاستی ئەندرێ ڤیلاش بواشی راهێنەری یانەی چێڵسی كرد و پێش مۆرینۆ دەكەوێت.
فێرگسۆن گوتی بەراوردكردنی بواش بە مۆرینۆ بە پلەی یەكەم بۆ ئەوە دەگەڕێتەوە هەردووكیان پورتوگالین و هەردووكیان لە پورتوگال ئاستی بەرزیان پێشانداوە.
فێرگسۆن زیاتر گوتی بواش توانای ئەوەی هەیە پێش مۆرینۆ بكەوێتەوە لە داهاتوودا، ئەو ئێستا راهێنەری تیپێكی مەزنی وەك چێڵسییە و خۆشی گەنجە و ئەوە وای لێدەكات ئەزموونێكی گەورە بەدەست بێنێت.
بواش لە تەمەنی 34 ساڵیدا و لە هاوینی رابردوودا ئەركی مەشقی یانەی چێڵسی گرتە ئەستۆ دوای ئەوەی وەرزی پێشتر پێشەوایەتی یانەی پۆرتۆ پورتوگالی كرد بۆ بردنەوەی نازناوی خول و جامی پورتوگال و خولی یەكێتیی ئەوروپا.