سێر ئەلێكس فێرگسۆنی راهێنەری یانەی مانچستەر یونایتدی ئینگلیزی پێی وایە بەرشەلۆنە و ریال مەدرید بەهێزترین پاڵێوراوی ئەمساڵن بۆ بردنەوەی نازناوی خولی یانە پاڵەوانەكانی ئەوروپا.
فێرگسۆن پەسنی تواناكانی هەردوو یانە ئیسپانییەكەی كرد و گوتی بەرشەلۆنە ئێستا باشترین تیپی تۆپی پێیە لە جیهاندا.
راهێنەرە سكۆتلەندییەكە كە وەرزی رابردوو لە یاری كۆتایی خولەكەدا بەبەرشەلۆنە دۆڕا 3-1 گوتی بێگومان بەرشەلۆنە و ریال مەدرید بەهۆی هێزی زۆریانەوە سەرەكیترین پاڵێوراوی وەرزی ئەمساڵن بۆ بردنەوەی نازناوەكە، بەڵام پێویستە یانەكانی ئینگلتەرا لێیان ببەنەوە و لە نازناوەكەیان بێبەش بكەن.