دیگۆ فۆرلانی هێرشبەری ئۆرۆگوایی یانەی ئینتەر میلانی ئیتاڵی پاڵاوت بۆ بردنەوەی نازناوی خولی یانە پاڵەوانەكانی ئەوروپا.
فۆرلان كە بەهۆی پێكانەوە ئێستا بەشداری یارییەكانی یانەی ئینتەر میلان ناكات و لە وەرزی ئەمساڵدا لەبەر بەشداریكردنی لەگەڵ یانەی ئەتلەتیكۆ مەدرید لە پاڵاوتنەكانی خولەكە ناتوانێ لە خولی یانە پاڵەوانەكان یاری بۆ ئینتەر میلان بكات لە لێدوانی بۆ رۆژنامەی بایس گوتی ئینتەر میلان و بەرشەلۆنە بەهێزترین پاڵێوراون بۆ بردنەوەی نازناوی وەرزی ئەمساڵی خولی چامپیۆنس لیگ و بێگومان بەرشەلۆنە هەلی باشتری لەبەردەستدایە.
هەروەها گوتی هەرچەندە ئێستا ئاستی ئینتەر میلان پاشەكشەی كردووە، بەڵام توانای بردنەوەی نازناوەكەی هەیە و من وای دەبینم ئەم پاشەكشەیە كاتییە و ئەگەر ئێمە ئەوەمان پێ نەكرێت، ئەوا بێگومان بەرشەلۆنە نازناوەكە دەباتەوە.