رۆژنامەی ماركای ئیسپانی بەراوردكارییەكی لە نێوان میسی هەڵبژاردەی ئەرجەنتین و میسی یانەی بەرشەلۆنەدا كردووە و بە ژمارە سەلماندوویەتی جیاوازییەكی زۆر لە نێوان ئەو دووانەدا هەیە.
بەپێی ئەو رۆژنامەیە میسی لەگەڵ یانەی بەرشەلۆنەدا رێژەی گۆڵ تۆماركردنی لە هەر یارییەكەدا كە ئەنجامی دەدات 0.69 یە و لە بەرامبەردا لەگەڵ هەڵبژاردەی ئەرجەنتین لە نیوەی ئەو ژمارەیەی لەگەڵ بەرشەلۆنەدا هەیەتی كەمترە و تەنیا 0.31 رێژەی گۆڵ كردنیەتی بۆ بەرشەلۆنە.
هەرچەندە میسی دووپاتی ئەوە دەكاتەوە كە عاشقی درێسی هەڵبژاردەی تانگۆیە و ئامادەیە لە پێناویدا بمرێت، بەڵام ئاستی نزمی ئەو ئەستێرەیە لەگەڵ هەڵبژاردەكەی ئەوی تووشی سەرئێشەی زۆر و رەخنەی زۆر كردووە.
رۆژنامەی ماركا دەڵێ لە 281 یاری لەگەڵ بەرشەلۆنەدا میسی 196 گۆڵی تۆمار كردووە، لە كاتێكدا لە 63 یاریی هەڵبژاردەی ئەرجەنتیندا تەنیا 20 گۆڵی تۆمار كردووە.