مۆندیالی لاوانی خوار تەمەنی 17 ساڵ كە ئەمساڵ لە مەكسیك ئەنجام درا، دەریخست بەكارهێنانی مادەی كلینبۆتیرۆل بە شێوەیەكی زۆر فراوان لە نێو یاریزانانی مەكسیكیدا بڵاوە كە مادەیەكی وزە بەخشە.
دۆرڤاك مۆنتێی بەرپرس لە فیفا ئاشكرای كرد كێشەكە تەنیا بەكارهێنانی وزەبەخش نییە، بەڵكە كێشەی ئەوەیە كە كاریگەریی لەسەر تەندروشتی گشتیی دەبێت.
ئەو بەرپرسەی فیفا روونی كردەوە لە نێو 24 دەوڵەتی بەشدار لە مۆندیالی لاوانی مەكسیك تەنیا 5 هەڵبژاردە یاریزانەكانی پەنایان بۆ بەكارهێنانی وزە بەخش نەبردووە.
دۆرڤاك گوتی ئەنجامی پشكنینەكانی مەكسیك سەرسامی كردم، تۆ بڵێی ئەمە تەنیا لە مەكسیك هەبێت؟
ئاژانسی لەناوبردنی مادە وزەبەخشەكان هەفتەی پێشوو 5 یاریزانی مەكسیكی لە تۆمەتی بەكارهێنانی ئەو مادانە بەخشی دوای ئەوەی وای دانا كێشەی بەكارهێنانی مادەی كلینبۆتیرۆڵ كێشەیەكی تەندروستییە لە مەكسیك چونكە وەك دەرمان دەدرێت بە مانگا و خەڵك گۆشتەكەی دەخوات.