شتیڤی گرافی ئەفسانەی پێشووی تێنسی ئافرەتانی جیهان سەرەتای ساڵی داهاتوو دەگەڕێتەوە گۆڕەپانەكانی تێنس بۆ بەشداریكردن لە پاڵەوانیەتیی هالەی نێودەوڵەتی بە شێوەی نمایشكارانە.
یەكەمی پێشووی ئافرەتانی تێنسی سەرزەوی دووپاتی كردەوە لە 10ی حوزەیرانی داهاتوو بەشداری لە پاڵەوانیەتییەكە دەكات و رای گەیاند كە مایكڵ ستیخی یاریزانی وازهێناوی تێنسیش هاوتای دەبێت لە بەشداریكردنەكەدا.
رالف فیبەری بەڕێوەبەری پاڵەوانیەتیی هالە گوتی هەست بە شانازی دەكەین كاتێك گراف بڕیار دەدات بەشداری لە پاڵەوانیەتییەكە بكات و ئەوە یادەوەرییەكی خۆش لای بینەران جێدەهێڵێت.
پێشتر گراف كە 22 نازناوی پاڵەوانیەتییە گەورەكانی گراند سلامی بەدەست هێناوە دووپاتی كردەوە كە خۆشحاڵ دەبێت ئەگەر بتوانێ لە رێگەی پاڵەوانیەتیی هالەوە چێژ بە ئامادەبووان ببەخشێت.