كارۆلین ڤۆزنیاكی یەكەمی یاریزانە ئافرەتەكانی جیهان لە یاری تێنسی سەرزەویدا خۆشحاڵی خۆی بە كەوتنی كریستیانۆ رۆناڵدۆ و هاوڕێكانی لە هەڵبژاردی پورتوگال دەربڕی.
ڤۆزنیاكی كە دانیماركییە خۆشحاڵ بوو بەوەی هەڵبژاردەی دانیمارك لە دوا یاری پاڵاوتنەكانی یۆرۆی 2012 توانی لە هەڵبژاردەی پورتوگال بباتەوە كە كریستیانۆ رۆناڵدۆ كاپتنیەتی و پیرۆزبایی لە یاریزانەكانی دانیمارك كرد بەو بۆنەیەوە.
لە دوا گەڕی پاڵاوتنەكانی یۆرۆی 2012 هەڵبژاردەی دانیمارك توانی لەسەر یاریگای خۆی 2-1 لە هەڵبژاردەی پورتوگال بباتەوە و بگاتە كۆتاییەكانی ئەو پاڵەوانیەتییە و هەڵبژاردەی پورتوگالیش ناچاربوو یاری پاشكۆی پاڵاوتنەكان ئەنجام بدات كە تێیدا بەرامبەر هەڵبژاردەی بۆسنە یاری دەكات.
ڤۆزنیاكی لە لاپەڕەی تایبەتی خۆی لەسەر تۆڕی كۆمەڵایەتی فەیسبووك گوتی هەفتەی پێشوو هەفتەیەكی زۆر خۆش و زۆر باش بوو، بە تایبەت دوای ئەوەی هەڵبژاردەكەمان توانی لە پورتوگال بباتەوە و بگاتە یۆرۆی 2012.