مۆرینۆ گەیشتە گۆڵی ژمارە 1000 لەگەڵ ئەو یانانەی مەشقی داون
مۆرینۆ لە كاروانی راهێنەرانەی خۆیددا 521 یاری لەگەڵ یانەكانی بەنفیكا، یۆنیا و لێریا و پۆرتۆ پورتوگالی و چێڵسی ئینگلیزی و ئینتەرمیلانی ئیتاڵی و ریال مەدریدی ئیسپانیدا ئەنجامداوە و وێڕای ئەوەی لە زۆر یاریدا پارێزگاری لە گۆڵی یانەكەی كردووە، بەڵام 392 گۆڵی لێكراوە بە رێژەی 0.75 گۆڵ لە یارییەكدا.
یانەی ریال مەدرید بە باشترین یانەی مۆرینۆ لە رووی هێرشبەرییەوە دادەنرێت و لە ماوەی سەرپەرشتی كردنی ئەو راهێنەرەدا یانەكە 180 گۆڵی تۆمار كردووە لە 70 یاریدا بە رێژەی 2.5 گۆڵ لە هەر یارییەكدا و بەمەش بەسەر رێژەی خۆی لە یانەكانی چێڵسی و ئینتەر و یۆنیاو لێریا سەركەوتووە بە رێژەی 2 گۆڵ لە هەر یارییەكدا و لە یانەی بەنفیكا رێژەی گۆڵەكانی 1.7 گۆڵ بووە.
