ئەستێرەی بەرازیلی ریكاردۆ كاكا یاریزانی یانەی ریال مەدریدی ئیسپانی دانی بەوە دانا كە چەندین جار گریاوە لەو كاتەی تووشی پێكان هاتووە، كاكا لە لێدوانێكیدا بۆ كەناڵی ریال مەدرید گوتی: كاتێك پێكانەكەم تووش هات چەندین جار گریاوم، هاوڕێ نزیكەكانم ئاگادارن، من زۆر هەوڵم دا بۆ ئەوەی بە باشترین ئاست بگەڕێمەوە، بەڵام بارودۆخەكان باش نەبوون، ئەوكات باری دەروونیم زۆر خەراپ بوو.
كاكای تەمەن 29 ساڵ دووپاتیكردەوە و گوتی: دوای گەڕانەوەم بۆ یاریگاكان زۆر خۆم ماندووكرد تا توانیم شوێنی خۆم وەربگرمەوە لە پێكهاتەی یانەی ریال مەدرید و توانیم گۆڵیش لە خولی یانەكانی ئەوروپا بەرامبەر یانەی ئەیاكس تۆمار بكەم.
كاكا بەڵێنی دا چاكەی ئەوانە بداتەوە كە لەكاتی پێكانەكەی پشتگیریان لێكردووە تا ئەو كاتەی گەڕایەوە ئاستی راستەقینەی خۆی، هەروەها وەڵامی ئەوانە بداتەوە كە متمانەیان بە توانەكانی ئەو نەمابوو، لە هەمان كاتدا بەڵێنی ئەوەشی دا كە لە یانەی ریال مەدرید بەردەوام بێت.