رۆبەرتۆ مانشینی راهێنەری یانەی مانچستەر سیتی ئینگلیزی بە نیازە لە یارییەكانی داهاتووی یانەكەی لە خولی یانە پاڵەوانەكانی ئەوروپا پشت بە یاریزانی ئیتالی ماریۆ بالۆتیلی ببەستێت لە هێلی هێرشبردندا، یانەی مان سیتی لە خولی ئینگلتەرا ئەنجامەكانی زۆر باشن و لە پلەی دووەم دێت بەجیاوازی گۆڵ لە گەڵ یانەی مان یونایتد، بەڵام لە چامپیۆنز لیگ تەنها یەك خاڵی هەیە لە دوو یاریدا، مانشینی لە لێدوانێكیدا بۆ رۆژنامەی دۆمانی دیللۆ سپۆرتی ئیتالی گوتی: متمانەی تەواوم بە تواناكانی بالۆتیلی هەیە و باش دەزانم كە دەبێتە چەكی نهێنی ئێمە لە خولی یانە پاڵەوانەكانی ئەوروپا.
مان سیتی لە جەولەی سێیەمی خولی چامپیۆنز لیگ رووبەرووی یانەی ڤیاریالی ئیسپانی دەبێتەوە و مانشینی بەهیوای ئەوەیە یەكەم سەركەوتن تۆمار بكات.
