چەندین سەرچاوەی رۆژنامەوانیی ئاشكرایان كردووە كەناڵی جەزیرەسپۆرتی قەتەری هەوڵی كڕینەوەی مافی گواستنەوەی یارییەكانی خولی نایابی ئینگلیزی دەدات و خۆی بۆ كڕینەوەی ئەو مافە ئامادە كردووە كە گرانترین نرخی هەیە لە نێو هەموو خولە بەهێزەكانی ئەوروپادا.
بەپێی ئەو سەرچاوانە كەناڵی جەزیرە سپۆرت كە ئێستا 14 كەناڵی هەیە هەوڵ دەدات لە وەرزی 2013-2014 مافی گواستنەوەی یارییەكانی خولی نایابی ئینگلیزی بەدەست بێنێت كە ئێستا كەناڵی ئەبوزەبی سپۆرت بەدەستیەوەیەتی.
ئەگەر جەزیرە ئەو كارەی بۆ بچێتە سەر تەواوی پاڵەوانیەتییە گەورەكانی ئەوروپا و جیهان لە رۆژهەڵاتی ناوەڕاستدا قۆرخ دەكات.
ئێستا ئەو كەناڵە خولەكانی ئیسپانی، ئیتاڵی، فەرەنسی، پورتوگالی، بەرازیلی و ئەرجەنتینی هەیە لەگەڵ یارییەكانی مۆندیال و یۆرۆدا.