تۆڕی گلۆبۆ سپۆرتی بەرازیلی ئاشكرای كرد یانەی ریال مەدریدی ئیسپانی 3 داوای لە یانەكانی ترەوە پێگەیشتووە بۆ گرێبەستكردن لەگەڵ ریكاردۆ كاكای ئەستێرەی بەرازیلیدا.
بەپێی تۆڕەكە ئەو 3 یانایە دەیانەوێ لە ماوەی گواستنەوەی زستانەی داهاتوودا گرێبەست لەگەڵ كاكادا بكەن.
تۆڕەكە ئاشكرای كردووە یانەكانی میلانی ئیتاڵی و ساوپاولۆی بەرازیلی و مەلەگەی ئیسپانی بە فەرمی داوایان لە ریال مەدرید كردووە رێگە بدات بە دەستپێكردنی دانووستان لە پێناو كڕینی كاكادا.
تۆڕەكە دەڵێ كاكا لە رۆیشتن لە ریال مەدرید زۆر نزیكە چونكە مۆرینۆ دەیەوێ خافێر پاستۆری بباتە ریزەكانی یانەكەیەوە.
كاكا ساڵی 2009 پەیوەندی بە ریال مەدریدەوە كرد و تا ئێستا وەك پێویست لەگەڵ ئەو یانەیەدا دەرنەكەوتووە.