راهێنەری هۆڵەندی بەناوبانگ گۆس هیدینیك راهێنەری هەڵبژاردەی توركیا دووپاتی كردەوە شانازی بەوە دەكات یاریزان هێلی ناوەڕاست نوری شاهین بۆندی لەگەڵ یانەی ریال مەدرید مۆر كردووە، بەڵام ئەوەشی روونكردەوە بڕیاڕەكەی شاهێن تۆزێك پەلەكردنی پێوە دیاربوو، نوری شاهین تا ئێستا نەیتوانیووە بەشداری یارییەكانی یانەی ریال بكات بە هۆی ئەو پێكانەی كە لە قۆناغی خۆئامادەكردنی یانەكەی تووشی هاتبوو.
گۆس هیدینك لە لێدوانێكیدا بۆ رۆژنامەی بێڵدی ئەڵمانی گوتی: نوری شاهین ئەستێرەی داهاتووی تۆپی پێی جیهانیە، من شانازی بەوە دەكەم كە بۆندی لەگەڵ یانەی ریال مەدرید مۆركردووە، بەڵام هەست بەوە دەكەم كە بۆی باشتر بوو لە یانەی بروسیا دۆرتمۆند بەردەوام بوایە بۆ ئەوەی ئاستی خۆی بەرەو پێش ببات دواتر لە خولێكی بەهێزی وەك خولی ئیسپانیا یاری كردبایە.
لەلایەكی دیكەوە جۆزی مۆرینهۆ راهێنەری یانەی ریال مەدرید رایگەیاند چاكبوونەوەی یاریزان نوری شاهین لە قۆناغی كۆتایی دایە و بەهیوای ئەوەیە لە ماوەی دوو هەفتە داهاتوو بگەڕێتەوە یاریكردن و بەشداری لەگەڵ یانەی شاهانە بكات.