ریكاردۆ كاكای ئەستێرەی یانەیە ریال مەدریدی ئیسپانی ئاشكرای كرد ریزی ئەو یانەیە جێناهێڵێت تا نازناوی خولی ئیسپانی لەگەڵیدا بەدەست نەهێنێت.
ماڵپەری ئەی جی بەرازیلی ئاشكرای كرد كاكا بیرۆكەی رۆیشتنی لە زستانی ئەمساڵدا لە ریزی ریال مەدرید رەتكردووەتەوە، دوای ئەوەی رۆژنامەكان باسیان لەوە كرد دەچێتە یانەی پاریس سانجێرمانی فەرەنسی.
ئەو یاریزانە دووپاتی كردەوە ئەگەر بڕیار لە رۆیشتن لە یاریگەی سانتیاگۆ برنابیۆ بدات، ئەوە روونادات تا نازناوی خولی ئیسپانی لەگەڵ ئەو یانەیەدا نەباتەوە.
دوێنێ رۆژنامەی سپۆرتی نزیك لە یانەی بەرشەلۆنە ئاشكرای كردبوو ریال مەدرید بەنیازە كاكا بە خافێر پاستۆری یاریزانی یانەی پاریس سانجێرمان بگۆڕێتەوە.
لەوكاتەوەی لە هاوینی 2009 كاكا پەیوەندی بە یانەی ریال مەدریدەوە كردووە، تا ئێستا نازناوی خولی ئیسپانی لەگەڵ ئەو یانەیەدا بەدەست نەهێناوە.