هەندێك راپۆرتی رۆژنامەوانی ئاشكرایان كردووە ریكاردۆ كاكای ئەستێرەی یانەی ریال مەدریدی ئیسپانی لە بەجێهێشتنی یانەكەی نزیكبووتەوە بەرەو یانەی پاریس سانجێرمانی فەرەنسی لە رێگەی دەستەوارەیەكی ئاڵوگۆڕییەوە.
رۆژنامەی سپۆرتی ئیسپانی دەڵێ دانیشتنی نێوان كاكا و لیۆناردۆی بەرێوەبەری جێبەجێكاری یانە فەرەنسییەكە كە هەفتەی رابردوو لە فەرەنسا بەڕێوەچوو، رێكەوتنی كاكا و لیۆناردۆ لەسەر ئەوە لێكەوتووەتەوە كە كاكا بچێتە پاری سانجێرمان.
رۆژنامەكە دەڵێ هەرچەندە بە بوونی ئۆزێل هەلی یاریكردنی كاكا لە ریال مەدرید كەمە، بەڵام لە كاتی چاكبوونەوەی نووری شاهین لەو پێكانەی هەیەتی هەلی یاریكردنی كاكا زیاتر كەم دەبێتەوە و ئەوەش ئەو یاریزانە ناچار دەكات بیر لە رۆیشتن بكاتەوە.
رۆژنامەكە ئاشكرای كردووە ریال مەدرید رازییە بە رێگە دان بە رۆیشتنی كاكا، بەڵام لە بەرامبەردا داوای خافێر پاستۆری ئەستێرەی ئەرجەنتینی دەكات كە هاوینی ئەمساڵ چووە یانە فەرەنسییەكە.