كارگێڕیی یانەی تۆتنهام هۆتسپێری ئینگلیزی دەستەوارەیەكی گەورەی پێشكەشی لۆكا مۆدریچی یاریزانی یانەكە كردووە بۆ نوێكردنەوەی گرێبەستەكەی بۆ ماوەی ساڵێكی تر و بە مووچەی مانگانەی 100 هەزار پاوەند لە بری 45 هەزار پاوەند كە ئێستا ئەو یاریزانە وەریدەگرێت.
هاوینی ئەمساڵ كێشەی زۆر لە نێوان مۆدریچ و یانەكەیدا روویدا بەهۆی ویستی ئەو یاریزانە لە رۆیشتن لە یانەكە و چوونە چێڵسی كە داوای ئەو یاریزانەی دەكرد و ئامادەبوو بڕی 30 ملیۆن یۆرۆی پێ بدات.
بەپێی سەرچاوە رۆژنامەوانییەكانی ئینگلتەرا كارگێڕیی یانە ئینگلیزییەكە بڕیاری داوە مووچەی ئەو یاریزانە بكاتە 90 هەزار پاوەند، لەگەڵ 10 هەزار پاوەندی پاداشتی هەفتانە.
پێشتر یانەی چێڵسی ئینگلیزی ئاشكرای كردبوو ئامادەیە مووچەی مۆدریچ بكاتە 130 هەزار پاوەند ئەگەر پەیوەندی بەو یانەیەوە بكات.