فرناندۆ تۆرێسی هێرشبەری ئیسپانی پێی وایە كام یانەیە لە وەرزی ئەمساڵی خولی ئیسپانیدا لە هەمووان ئارامتر كار بكات، ئەو یانەیە نازناوەكە دەباتەوە.
تۆرێسی هێرشبەری یانەی چێڵسی ئینگلیزی گوتی ئەو تیپەی زۆر ئارام و سەقامگیرە ئەو تیپە نازناوەكە دەباتەوە و ئارامترین و سەقامگیرترین تیپیش یانەی بەرشەلۆنەیە لەبەرئەوەی ژمارەیەكی بەرچاو یاریزانی گەورەی هەیە.
تۆرێس هەروەها گوتی ئارامی هۆكارێكی گەورەیە لە جیهانی تۆپی پێدا بۆ ئەوەی تیپێك سەركەوتن مسۆگەر بكات. بۆ نموونە یانەی ئینتەر میلان دوو ساڵ لەمەوبەر توانی نازناوی خولی یانە پاڵەوانەكانی ئەوروپا بباتەوە لە كاتێكدا بەرشەلۆنە بەهێزتر بوو، بەڵام ئەو بۆیە ئەو نازناوەی بردەوە چونكە بە ئارامی و وریاییەوە مامەڵەی لەگەڵدا كرد و متمانەی بەخۆی هەبوو.