چاڤی: تەنیا چوار تیپ توانای بردنەوەی نازناوی ئەمساڵی خولی یانە پاڵەوانەكانیان هەیە
دوای تەواوبوونی یاری نێوان بەرشەلۆنە و باتی بۆریسۆفی رووسیای سپی لە گەڕی دووەمی خولی یانە پاڵەوانەكانی ئەوروپا كە بە بردنەوەی گەورەی بەرشەلۆنە 5-0 كۆتایی هات، چاڤی گوتی ئەمساڵ تەنیا چوار تیپ دەتوانن بگەنە یاری كۆتایی خولی یانە پاڵەوانەكانی ئەوروپا و نازناوەكە بەدەست بێنن.
لەبارەی ناوی ئەو چوار تیپەوە چاڤی گوتی تەنیا یانەكانی بەرشەلۆنە، ریال مەدرید، چێڵسی و مانچستەر یونایتد دەپاڵێوم بۆ ركابەریكردن لەسەر نازناوی وەرزی ئەمساڵ و پێم وانییە تیپەكانی تر توانای ركابەریكردنیان هەبێت.
هەروەها گوتی خولی ئەمساڵ زۆر بەهێزترە لە ساڵانی پێشوو و ئەو 4 تیپە پاڵێوراوی بەهێزن بۆ بردنەوەی نازناوەكە.
