راپۆرتە رۆژنامەوانییەكانی وڵاتی بەریتانیا دووپاتیان كردەوە یانەی بەرشلۆنە بیر لە بەهێزكردنی هێلی بەرگری دەكاتەوە لەرێگای هێنانی یاریزانێكی تازە لە وەرزی گواستنەوەی زستانەدا لە سەرەتای ساڵی 2011، راپۆرتەكان ئاماژەیان بەوەدا كە یانەی هەرێمی كەتالۆنیا بیر لە یاریزانی هەڵبژاردەی ئینگلتەرا و یانەی بۆلتن واندەرز گاری كاهیل دەكاتەوە كە چەندین یانەی خولی ئینگلتەرا داوایان كردبوو لە وەرزی گواستنەوەی هاوینەدا بە تایبەتی یانەی ئەرسنال، بۆندی یاریزان كاهیل لە گەڵ یانەی بۆلتن لە مانگی حوزەیرانی 2012 كۆتایی دێت و ئەوەش مانای ئەوەیە كە نرخەكەی هەرزان دەبێت، یانەی بەرشلۆنە بە نیازە هەمان سیناریۆی هێنانی یاریزان ئەفیلای لە گەڵ یاریزان كاهیل دووبارە بكاتەوە كە هەمان بارودۆخی هەبوو كە لە كۆتاییدا ئەفیلای بە 4 ملیۆن یۆرۆ هاتە یانەی بەرشلۆنە.
شایانی باسە یانەی بەرشلۆنە لە سەرەتای ئەم وەرزەوە لە هێڵی بەرگری تووشی كێشە بووە بە هۆی پێكانی هەردوو یاریزان كارلیس پیۆل و جیرار پیكێ هەر بۆیە ناچارە لە وەرزی گواستنەوەی زستانەدا یاریزانێكی هێلی بەرگری بكڕێت.
