دوای ئەوەی یاریزانی بەرازیلی ئەلیكساندەر پاتۆ ئەستێرەی یانەی میلانی ئیتالی لە دوای 23 چركە گۆڵی یەكەمی یانەكەی بەرامبەر یانەی بەرشلۆنەی ئیسپانی تۆمار كرد لە گەڕی یەكەمی قۆناغی گروپەكانی خولی یانە پاڵەوانەكانی ئەوروپا، ماڵپەری ویكپیدیای جیهانی ریزبەندێكی تازەی بە خێراترین 10 گۆڵ لە مێژووی چامپیۆنز لیگ بڵاو كردەوە و گۆڵەكەی پاتۆ پلەی پێنجەمی وەرگرت، ئەمەش ریزبەندی خێراترین 10 گۆڵە لە مێژووی خولی یانە پاڵەوانەكانی ئەوروپا:
1- گۆڵی رۆی ماكای یاریزانی یانەی بایرەن میونیخی ئەڵمانی لە بەرامبەر یانەی ریال مەدریدی ئیسپانی لە دوای (10.02) چركە لە ساڵی 2007.
2- گۆڵی جیلبەرتۆ سیلڤا یاریزانی یانەی ئەرسنالی ئینگلیزی لە بەرامبەر یانەی ئایندهۆڤنی هۆڵەندی لە دوای (20.07) چركە لە ساڵی 2002.
3- گۆڵی ئەلیساندرۆ دیل پیێرۆ یاریزانی یانەی یۆڤانتسی ئیتالی لە بەرامبەر یانەی مان یونایتدی ئینگلیزی لە دوای (20.12) چركە لە ساڵی 1997.
4- گۆڵی كلارینس سیدۆرف یاریزانی یانەی میلانی ئیتالی لە بەرامبەر یانەی شالكەی ئەڵمانی لە دوای (21.06) چركە لە ساڵی 2005.
5- گۆڵی ئەلیكساندەر پاتۆ یاریزانی یانەی میلانی ئیتالی لە بەرامبەر یانەی بەرشلۆنەی ئیسپانی لە دوای (23) چركە لە ساڵی 2011.
6- گۆڵی دایان ستانكۆڤیج یاریزانی یانەی ئینتەرمیلانی ئیتالی لە بەرامبەر یانەی شالكەی ئەڵمانی لە دوای (25) چركە لە ساڵی 2011.
7- گۆڵی ماریانۆ بۆمباردۆ یاریزانی یانەی ڤیلیم تیلبۆرگی هۆڵەندی لە بەرامبەر یانەی سپارتا براگی چیكی لە دوای (28.21) چركە لە ساڵی 1999.
8- گۆڵی ئەلیكساندرۆس یاریزانی یانەی پاناسینایكۆسی یۆنانی لە بەرامبەر یانەی ئەلبۆرگی دانیماركی لە دوای (28.46) چركە لە ساڵی 1995.
9- گۆڵی دیكۆ یاریزانی یانەی پۆرتۆی پولاتوگالی لە بەرامبەر یانەی مۆلدی نەرویژی لە دوای (30.08) چركە لە ساڵی 1999.
10- گۆڵی ئەندریاس مۆلەر یاریزانی یانەی بروسیا دۆرتمۆندی ئەڵمانی لە بەرامبەر یانەی یۆڤانتسی ئیتالی لە دوای (37.04) چركە لە ساڵی 1995.