رۆبەرتۆ مانچینی داوای لە كارگێڕیی یانەی مانچستەر ستی كردووە هەوڵی كڕینی نیمار دا سیلڤای هێرشبەری لاوی بەرازیلی بدات و گوتویەتی ئەو یاریزانە شایستەی 50 ملیۆن پاوەندە.
رۆژنامەی میل ئۆن سەندای ئینگلیزی ئاشكرای كرد مانچینی راهێنەری مانچستەر ستی داوای لە كارگێڕیی یانەكەی كردووە گرێبەست لەگەڵ هێرشبەرەكەی یانەی سانتۆسدا بكەن.
بەپێی ئەو رۆژنامەیە مانچینی چووەتە ریزی ریال مەدرید و بەرشەلۆنەوە كە هەوڵی كڕینی نیمار دەدەن و پێی وایە پێویستە یانەكەی تا بڕی 50 ملیۆن پاوەند بەو یاریزانە بدات.
راهێنەری مان ستی گوتویەتی پێویستە كارگێڕیی مان ستی لە گرێبەستكردن لەگەڵ نیمار نەترسێ، چونكە مان یونایتد لە هەمان تەمەنی نیماردا روونی كڕی و ئێستا ئەو یاریزانێكی گەورەیە.
پێشتر مانچینی ئاشكرای كردبوو نیمار باشترین یاریزانی لاوی جیهانە.