رادیۆی ئۆنا ئێ ئێم ئاشكرای كرد یانەی بەرشەلۆنەی ئیسپانی دەستەوارەیەكی نوێی خستووەتە بەردەستی ئیریك ئەبیدالی فەرەنسی بۆ نوێكردنەوەی گرێبەستەكەی بۆ ماوەی 2 ساڵ كە ساڵی یەكەمیان جێگیر و ساڵی دووەمیان بە رێكەوتنی نێوان هەردوولا بێت.
بەپێی رادیۆكە یاریزانەكەی پێشووی ئۆلەمپیك لیۆنی فەرەنسی و بەڕێوەبەری كارەكانی، دەیانەوێ گرێبەستەكە لەگەڵ یانەی بەرشەلۆنەدا بۆ دوو وەرزی جێگیر نوێ بكەنەوە و ساڵی سێیەم بەپێی ئاستی ئەو یاریزانە بێت لە یارییەكاندا و كارگێڕیی یانەكە بەوە رازی نییە.
بەڕێوەبەری كارەكانی ئەبیدال گوتی ئەو زۆر دڵخۆش دەبێت ئەگەر ئەبیدال لە نوكامپ درێژە بە یاریكردن بدات ئەگەر تەندروستی و توانای ئەو رێگریی لێنەكات.
پێشبینی دەكرێ چەند رۆژی داهاتوو پێشوەچوونی گەورە لەو بابەتەدا روو بدات و جەماوەری بەرشەلۆنە تا ئێستا پێشبینی ئەوە دەكەن ئەبیدال گرێبەستەكەی لەگەڵ یانەكەدا نوێ بكاتەوە و نەڕوات.