بەهۆی مۆندیالی 2002 رۆناڵدۆی ئەفسانەی بەرازیلی سزا دەدرێت
رۆژنامەی گلۆبۆیسپۆرتی بەرازیلی ئاشكرای كرد ماریان مۆریرای دادوەر لە دادگای ریۆ دی جانیرۆ بڕیاری سزادانی رۆناڵدۆی بە 10 هەزار ریالی بەرازیلی (5.560 دۆلاری ئەمەریكی) سزاداوە وەك قەرەبووی رێگرتنی رۆناڵدۆ لە كاركردنی رۆژنامەنووس جۆزێ ئەفیلینی نیتۆ.
رووداوەكە بۆ یاری دووەمی هەڵبژاردەی بەرازیل لە مۆندیالی 2002 دەگەڕێتەوە كە هەڵبژاردەی بەرازیل بەرامبەر هەڵبژاردەی چین یاری كرد و لەو یارییەدا رۆناڵدۆ توانی یەك لە چوار گۆڵی هەڵبژاردەكەی تۆمار بكات كە گۆڵەكانی تر رۆناڵدینۆ، رۆبەرتۆ كارلۆس و ریڤاڵدۆ تۆماریان كرد و رۆناڵدۆ ئەوكات چەند جارێك رێگری لەو رۆژنامەنووسە كرد لە ئەنجامدانی كارەكەی هەرچەندە مۆڵەتی ئەوەشی وەرگرتبوو.
بڕیاری دادگاكە بڕیاری كۆتایی نییە و رۆناڵدۆ دەتوانێ تێهەڵچوونە بكات.
لە مۆندیالی 2002 بەرازیل نازناوەكەی بردەوە و رۆناڵدۆش بە گۆڵكەری پاڵەوانیەتییەكە دەرچوو.
