كلاودیۆ رانێری راهێنەری نوێی یانەی ئینتەر میلانی ئیتاڵی دڵخۆشی خۆی بە سەرەتای باشی لەگەڵ یانەی ئینتەر میلان دەربڕی و گوتی ئەو یانەیە دەخەمەوە سەر راستە رێگای خۆی.
رانێری پێنجشەمەی پێشوو لە شوێنی گاسپەرینی ئەركی مەشقی یانەی ئینتەر میلانی گرتە ئەستۆ و دوێنێ پێشەوایەتی ئەو یانەیەی كرد بۆ یەكەم بردنەوە لە وەرزی ئەمساڵی خولی ئیتاڵیا.
رانێری گوتی دەستپێكردن بەو شێوەیە شتێكی باش بوو، یاریزانەكان تەنیا پێویستیان بەوە بوو بگەڕێنەوە سەر شێوازی كۆنی یاریكردنی خۆیان، داوام لێكردن توانای خۆیان بۆ ئەوە بەكاربخەن.
رانێری هەروەها گوتی لە ماوەی رابردوودا ئینتەر میلان كێشەی زۆری لە ئاست و ئەنجامدا هەبوو، یانەیەكی گەورەی وەك ئینتەر ناكرێ وەرزێكی تەواو بەو شێوەیە بەردەوام بێت، لەبەرئەوە دڵنیام لەوەی دەتوانم ئینتەر بخەمەوە سەر راستە رێی خۆی.