مایكڵ ئۆینی هێرشبەری قاڵی یانەی مانچستەر یونایتدی ئینگلیزی ئاشكرای كرد دیمیتار برباتۆڤی هێرشبەری یانەكە، دەتوانێ وەك بەرگریكەرش یاری بكات و لە بەرگریدا ئاستێكی بەرزی هەیە.
لێدوانەكانی ئۆین دوای ئەو یارییە هات كە مان یونایتد لە جامی كارلینگ كەپدا توانی سەركەوتن بەسەر یانەی لیدز یونایتد تۆمار بكات 3-0 و لە یارییەكەدا برباتۆڤ 2 هەلی زۆر مەترسیداری یانەی لیدزی لەبەردەمی گۆڵی یانەكەیدا گەڕاندەوە.
یاریزانەكەی پێشووی هەڵبژاردەی ئینگلتەرا گوتی برباتۆڤ لە زۆر كاتی مەشقەكاندا هەمان رۆڵی بەرگریكارانە دەبینێت، بەلامەوە سەیر نەبوو كاتێك لە یارییەكەی لیدزدا بینیم ئەو دوو هەلی مەترسیداری هێرشبەرانی ئەو یانەیە لەبەردەمی گۆڵدا پووچەڵ دەكاتەوە، لە كاتێكدا خۆی هێرشبەرە، چونكە ئەو لە مەشقەكاندا ناوە ناوە وەك بەرگریكەر یاری دەكات و دەتوانێ ببێتە یاریزانی دڵی بەرگری.