قسەكەر بە ناوی نۆڤاك جۆكۆڤیجی یەكەمی تێنسی سەرزەوی ئاشكرای كرد ئەو یاریزانە سڕبییە لەوانەیە بۆ ماوەی 4 هەفتە لە یاریگاكان دووربكەوێتەوە بەهۆی ئەو پێكانەوەی لە یاری پێش كۆتایی جامی دیڤزدا تووشی هات.
لەو یارییەدا جۆكۆڤیج كە بەرامبەر خوان مارتن دیل پۆترۆی ئەرجەنتینی یاری دەكرد، تووشی كرژبوونی ماسولكەی قاچی هات و یاریگای بەجێهێشت و ماڵئاوایی لە پاڵەوانیەتییەكە كرد.
ئیدواردۆ ئەرتالدی قسەكەر بە ناوی جۆكۆڤیجەوە گوتی ئەو كێشەی لە ماسوولكەكانی قاچی و خوێنبەربوونی ناوەوەدا هەیە و پێنجشەمەی داهاتوو هەموو شتێك روون دەبێتەوە.
پێشبینی دەكرێ جۆكۆڤیج بۆ ماوەی 4 هەفتە لە یاریگاكان دووربكەوێتەوە.
جۆكۆڤیج پێشتر لێدوانی بۆ ئاژانسی تانیۆگی سڕبی دابوو و ئاشكرای كردبوو كە پێكانەكەی بەو سەختییە نییە كە لە سەرەتاوە پێشبینی دەكرا، بەڵام كاریگەریی لەسەر بەشداریكردنی لە هەردوو پاڵەوانیەتیی شەنگهای و پەكین دەبێت.