یانەی مانچستەر یونایتدی ئینگلیزی ئاشكرای كرد چیچاریتۆی هێرشبەری یانەكە لانی كەم بۆ دوو هەفتە ناتوانێ یاری بكات، بەهۆی پێكانی لە قاچیدا.
سێر ئەلێكس فێرگسۆنی راهێنەری یانەی مانچستەر یونایتد ئاشكرای كرد چیچاریتۆ لانی كەم تا دوو هەفتەی تر توانای گەڕانەوە بۆ نێو یاریگای نابێت.
چیچاریتۆ لە یاری نێوان مان یونایتد و چێڵسی كە دوێنێ یەكشەمە بەڕێوەچوو بەهۆی بەریەك كەوتنی لەگەڵ ئاشلی كۆلی بەرگریكەری یانەی چێڵسی دووچاری پێكان هات و بە ناچاری یاریگەی بەجێهێشت.
یارییەكە لە بەرژەوەندی مان یونایتد بە ئەنجامی 3-1 كۆتایی هات.
راهێنەری شەیتانە سوورەكان گوتی چیچاریتۆ پێویستی بە پشكنینی زیاترە، بەڵام دڵنیام لەوەی لانی كەم دەبێ دوو هەفتە پشوو بدات تا بتوانێ بگەڕێتەوە نێو یاریگا.