فلۆرەنتینۆ پێرێزی سەرۆكی یانەی ریال مەدریدی ئیسپانی ئاشكرای كرد تیپەكەی ئێستا دەوڵەمەندترین و پارەدارترین یانەی مێژووی تۆپی پێیە.
پێرێز كە لە چەند ساڵی رابردوودا پارەیەكی زۆری بۆ كڕینی یاریزانانی گەورە و ئەستێرە خەرج كردووە، گوتی وەرزی رابردوو فرۆشەكانی یانەكەمان بە رێژەی 8.6% زیادی كردووە و كۆی داهاتی یانەكە گەیشتووەتە 420.2 ملیۆن یۆرۆ.
سەرۆكی یانەی ریال مەدرید لە كۆنگرەیەكی رۆژنامەنووسیدا كە تایبەت بوو بە داهات و قازانجەكانی ئەو یانەیە لە وەرزی رابردوودا گوتی قازانجەكانی ریال مەدرید لە 2010-2011 گەیشتووەتە 31.6 ملیۆن یۆرۆ و قەرزی گشتیی سەر یانەكە بە رێژەی 30.6% كەمی كردووە.
پێرێز گوتی ئەمە گەورەترین بڕە پارەیە دامەزراوەیەكی وەرزشی لە مێژوو و لە جیهاندا بەدەستی دێنێت.