سەندیكای یاریزانانی خولی ئینگلیزی ئاشكرای كرد دەیڤید بێكهام و تێری هێنری و رافایل ماركێز و رۆبی كین بەرزترین مووچە لە نێو یاریزانانی ئەمەریكادا وەردەگرن.
سەندیكاكە ئاشكرای كردووە وێڕای مووچەی زۆریان ئەو یاریزانە نەیانتوانیوە یانەكانیان بكەنە خاوەنی نازناوی خولی ئەمەریكی كە ئەو چوار یاریزانە لە یانەكانی لۆس ئەنجلۆس گالاكسی و رید بۆڵز یاری دەكەن.
بەپێی سەندیكاكە بێكهامی یاریزانی گالاكسی بەرزترین مووچەی هەیە لە نێو هەموو یاریزانانی خولەكە و لە دوایین گرێبەستی كە بۆ 5 ساڵی داهاتوو ئیمزای كردووە ساڵانە 6.5 ملیۆن دۆلار وەردەگرێ و دوای ئەو هێنری و ماركێز دێن كە هەردووكیان لە یانەی رید بۆڵز یاری دەكەن و هێنری 5.6 ملیۆن دۆلاری ساڵانە و ماركێز 4.6 ملیۆنی ساڵانە وەردەگرن.
هەرچی رۆبی كینی ئێرلەندییە كە مانگی رابردوو پەیوەندی بە یانەی گالاكسییەوە كرد ئەوا مووچەی ساڵانەی 3 ملیۆن دۆلارە و بە هەندێك پاداشتەوە مووچەكەی دەگاتە 3.5 ملیۆن دۆلار.