رایان گیگزی یاریزانی قاڵی یانەی مانچستەر یونایتدی ئینگلیزی توانی لە یادی 38 ساڵەی لەدایكبوونیدا ژمارەیەكی پێوانەیی تۆمار بكات، كاتێك لەو تەمەندا لە خولی یانە پاڵەوانەكانی ئەوروپا گۆڵی تۆمار كرد.
گیگز لە یاری دوێنێ شەوی نێوان بەنفیكا و مانچستەر كە بە 1-1 كۆتایی هات، توانی گۆڵی یەكسانكردنەوەی ئەنجامەكە بۆ یانەكەی تۆمار بكات و بەوەش ئەو یاریزانە بووە بە تەمەنترین یاریزان كە لە تەمەنی 38 ساڵ و 289 رۆژدا گۆڵ لەو پاڵەوانیەتییەدا تۆمار دەكات.
بەهۆی ئەو گۆڵەوە كە تۆماری كرد، گیگز توانی ژمارەی پێوانەیی رائول گۆنزالیسی ئەستێرەی ئیسپانی بشكێنێت و گیگز بووە یەكەم یاریزان بتوانێ لە 16 وەرزی خولی یانە پاڵەوانەكانی ئەوروپادا گۆڵ تۆمار بكات.
ئەو یاریزانە هەرچەندە تا ئێستا ئاستێكی بەرز پێشكەش دەكات، بەڵام بەپێی سەرچاوەكان لەوانەیە وەرزی ئەمساڵ دوای وەرزی یاریكردنی ئەو یاریزانە بێت لەگەڵ مانچستەر یونایتد.