ئیمانوێل ئه‌دیبایۆری تۆگۆیی كه‌ به‌خواستن له‌ یانه‌ى مان سیتیه‌وه‌ چووه‌ته‌ یانه‌ى تۆتنهام رایگه‌یاند كه‌ په‌یوه‌ندی له‌گه‌لا مان سیتی كۆتایی پێهاتووه‌و هه‌رگیز جارێكی تر ناچێته‌وه‌ بۆ ئه‌و یانه‌یه‌ و یارییان بۆ ناكاته‌وه‌.
له‌مباره‌یه‌وه‌ وتی: نازانم له‌گه‌لا تۆتنهام به‌رده‌وام ده‌بم یان نا، به‌لام هه‌رگیز ناگه‌ڕێمه‌وه‌ بۆ مان سیتی، ئه‌مه‌ش سه‌ره‌ڕای ئه‌وه‌ى سێ سالا و نیو بۆندم له‌گه‌ڵیاندا ماوه‌، به‌لام هاوینی داهاتوو هه‌موو شتێك یه‌كلایی ده‌كه‌مه‌وه‌.
سه‌باره‌ت به‌ یاریكردنیشی بۆ تۆتنهام وتی: هاتومه‌ته‌ ئێره‌ تا بۆ هه‌مووانی بسه‌لمێنم كه‌ هێشتا یاریزانێكی ئاست به‌رزم، هه‌موو كارێك ده‌كه‌م تا هه‌نده‌رانی تۆتنهام خۆشحالا بكه‌م و هه‌ولا ده‌ده‌م باشترین ئاست پێشكه‌ش بكه‌م و گۆڵی زۆر تۆماربكه‌م.