لەم مانگەدا، هەردوو هەڵبژاردەی ئەرژەنتین و بەرازیل، دوو یاری دۆستانە بەرامبەر بەیەك ئەنجام دەدەن.
ئاژنسەكان: بەرەبەیانی رۆژی پێنج شەممەی داهاتووس، هەڵبژاردەی ئەرژەنتین، بە راهێنەرایەتی ئەلخاندرۆ، سابێلا، یارییەكی دۆستانە بەرامبەر هەڵبژاردەی سامبای بەرازیل، لە وڵاتی ئەرژەنتین ئەنجام دەدات، ئەمە وەك رێككەوتنێك لە نێوان یەكێتی تۆپی پیێ هەردوو هەڵبژاردەی ناوبراودا، كە بڕیاریانداوە، ساڵانە دوو یاری ئەنجام بدەن، كە ئەمە دووەم ساڵە لەسەر یەم بەپێی رێكەوتنەكە هەڵدەستن بە رێكخستنی ئەم یارییە دۆستانەیە.
هەروەها یاری دۆستانەی دووەمی ئەم دوو هەڵبژاردە زلهێزەی ئەمەریكای لاتین و جیهان، لە وڵاتی بەرازیل دەبێت، لەبەرە بەیانی رۆژی پێنچشەممە، 29-9- 2011 جێگەی بەبیرهێنانەوەیە، بەپێی رێكەوتنەكەی یەكێتی تۆپی پێ هەردوو وت لەم یارییە دۆستانانەدا، تەنیا بەشداری بە یارییكەرەكانی خولی ناوخۆی وڵاتەكانیان دەكرێت.