یەكێتیی تۆپی پێی پورتوگال بڕیاری دا ریكاردۆ كارفالیۆی بەرگریكەری هەڵبژاردەكە بۆ ماوەی یەك ساڵ لە یاری نێودەوڵەتی رابگرێت دوای ئەوەی ئەو یاریزانە پاشەكشەی لە یەكەی مەشقی هەڵبژاردەكەی كرد بەر لە رووبەڕووبوونەوەی هەڵبژاردەی هەنگاریا لە یارییەكانی پاڵاوتنی یۆرۆی 2012.
كارفالیۆی بەرگریكەری یانەی ریال مەدرید، بەبێ ئاگاداركردنەوەی هیچ كەسێك، یەكەی مەشقی هەڵبژاردەكەی لە رۆژی 31ی ئەم مانگەدا جێهێشت و ئەو كارە بووە هۆی تووڕەبوونی بەرپرسانی یەكێتییەكە و پاولۆ پینتۆی راهێنەری هەڵبژاردەی پورتوگال كە دواتر ئاشكرای كرد هەتا ئەو راهێنەری پورتوگال بێت، نابێ كارفالیۆ بگەڕێتەوە ریزی هەڵبژاردەكە.
هەرچەندە كارفالیۆ بەشداری لە زۆرینەی یارییەكانی پاڵاوتنی هەڵبژاردەكەی لە یۆرۆی 2012 كردووە، بەڵام یەكێتیی تۆپی پێی پورتوگال بڕیاری داوە ئەو یاریزانە لە هەموو پاداشتێكی سەركەوتن بۆ كۆتاییەكانی پاڵەوانیەتییەكە بێبەش بكات.