رافایل نادالی ئیسپانی توانی بگاتە یاری كۆتای پاڵەوانیەتیی كراوەی ئەمەریكا بۆ تێنس بۆ رووبەڕووبوونەوەیەكی نوێ لەگەڵ نۆڤاك جۆكۆڤیجی سڕبی.
نادال گەیشتنە یاری كۆتایی مسۆگەر كرد دوای ئەوەی توانی لە ئاندی مۆرای بەریتانی بباتەوە بە 3-1 كۆمەڵە لە یاری پێش كۆتاییدا.
نادال لەم پاڵەوانیەتییەدا ئاستێكی باشتر لە یارییەكانی پێشوو پێشان دەدات و تا ئێستا لە شەش یاریدا تەنیا یەك كۆمەڵەی دۆڕاندووە و سبەی دووشەمە رووبەڕووی جۆكۆڤیج دەبێتەوە لە یاری كۆتاییدا.
یاری كۆتایی وەرزی رابردووی ئەمەریكای كراوە بە هەمان شێوە هەردوو یاریزان نادال و جۆكۆڤیجی كۆكردەوە و یارییەكە بە بردنەوەی نادال كۆتایی هات.
جۆكۆڤیج لە ناوەڕاستی ئەمساڵدا پێشەنگی ریزبەندی یاریزانانی تێنسی سەرزەوی لە نادال سەند و ئەو دوو یاریزانە ركابەرییەكی قورسیان لە نێواندا هەیە و لە وەرزی ئەمساڵدا تا ئێستا نادال نەیتوانیوە لە جۆكۆڤیج بباتەوە.