ئەندرێ ڤێلاش بواشی راهێنەری یانەی چێڵسی ئینگلیزی دووپاتی كردەوە یانەكەی خەون بە بردنەوەی نازناوی خولی یانە پاڵەوانەكانی ئەوروپا لە وەرزی ئەمساڵدا دەبینێت.
بواش دوای سەركەوتنی یانەكەی بەسەر یانەی سەندەرلاند لە خولی نایابی ئینگلیزی 2-1 دووپاتی ئەوەی كردەوە تەنیا نازناوی پریمەرلیگ ئامانجی بلووز نییە و گوتی خەون بە پاڵەوانانی ئەوروپاشەوە دەبینین.
چێڵسی لەوەتەی بووەتە موڵكی رۆمان ئەبرامۆڤیجی ملیاردێری رووسی هەوڵی زۆر بۆ بردنەوەی نازناوی خولی یانە پاڵەوانەكانی ئەوروپا دەدات و تا ئێستا وێڕای گۆڕینی چەندان راهێنەر نەیتوانیوە ئەو ئامانجە بەدی بێنێت.
بواش گوتی شتێكی باشە كە لە دەرەوەی یاریگای خۆمان بەو ئاستە بەرزەوە یاری دەكەین و توانای بردنەوەی یارییەكانمان هەیە، ئامانجی ئێمە نازناوە ناوخۆیی و كیشوەرییەكانە و بە ئاسانی دەستبەرداری هیچیان نابین.