سەرچاوە رۆژنامەوانییەكانی ئیسپانیا ئاشكرایان كرد یانەی سانتۆسی بەرازیلی رازی بووە نیماری هێرشبەری یانەكە بە بڕی 55 ملیۆن یۆرۆ بفرۆشێتە هەر یانەیەك كە دەیەوێ ئەو یاریزانە بكڕێت.
رۆژنامەی ئاسی ئیسپانی ئاشكرای كردووە یانەی سانتۆس مەرجی شكاندنی گرێبەستی نیماری لەگەڵ یانەی سانتۆسدا لە 45 ملیۆنەوە بۆ 55 ملیۆن زیاد كردووە و دوای ئەو زیادكردنە ئامادەیە گوێ لە هەر دەستەوارەیەك بگرێت كە بۆ كڕینی ئەو یاریزانە پێی دەگات.
رۆژنامەكە دەڵێ ئەم زیادكردنە لە نرخی نیمار هەلی كڕینی ئەو یاریزانە لەلایەن یانەی ریال مەدریدەوە زیاتر دەكات بەسەر بەرشەلۆنەدا، بە تایبەت دوای ئەوەی لویس ئەلڤارۆی سەرۆكی یانەی سانتۆس ئاشكرای كردووە حەز دەكات نیمار لە ریال مەدرید ببینێت.
رۆژنامەكە دەڵێ یانەی بەرشەلۆنەش هەمان حەزی ریالی بۆ كڕینی نیمار هەیە و لە ماوەی گواستنەوەی زستانەی ئەمساڵدا ركابەرییەكی گەورە لە نێوان هەردوو یانەدا لەسەر كڕینی نیمار دروست دەبێت.