لێكۆڵینەوەیەك كە كۆمپانیای پرایم تایم بڵاوی كردووەتەوە، ئاشكرای كردووە دەستەوارەی یایا تۆرێ لە بەرشەلۆنەوە بۆ مانچستەر ستی ئینگلیزی، باشترین دەستەوارەی وەرزی رابردووی ئەوروپا بووە.
لێكۆڵینەوەكە كە كۆمپانیاكە بە هاوكاریی یەك لە كۆلێژەكانی بازرگانی لە شاری بەرشەلۆنە ئامادە كراوە، پشتی بە خولەكەكانی یاریكردنی ئەو یاریزانە بە بەراورد بە خولەكەكانی یاریكردنی هەموو تیپەكە بەستووە و بەپێی ئەو لێكۆڵینەوەیە، یایا تۆرێ بە 91% پلەی یەكەمی بەدەست هێناوە و دوای ئەو دەیڤد ڤیای هێرشبەری ئیسپانی دێت كە لە یانەی ڤالنسیاوە رووی لە یانەی بەرشەلۆنە كرد و 85%ی بەدەستهێناوە و دوای ئەوانیش داڤید سیلڤای ئەستێرەی یانەی مانچستەر ستی دێت كە وەرزی رابردوو ڤالنسیای بەرەو ئەو یانەیە بەجێهێشت و ئەو یاریزانە 79%ی بەدەستهێناوە.
مانچستەر ستی هەروەك چۆن خاوەنی باشترین گرێبەست بوو، بەهەمان شێوە خاوەنی خراپترین گرێبەستیش بوو كە كڕینی یاریزان ماریۆ بالۆتێلییە و ئەو یاریزانە تەنیا 34%ی خولەكەكان یاری كردووە.