یانەی ئینجی رووسی دەستەوارەیەكی بۆ گرێبەستكردن لەگەڵ جۆزێ مۆرینۆی راهێنەری ریال مەدرید پێشكەشی ئەو راهێنەرە پورتوگالییە كردووە كە بڕەكەی 25 ملیۆن یۆرۆی ساڵانەیە.
رۆژنامەی ماركای ئیسپانی ئاشكرای كردووە یانە رووسییەكە ئامادەبوو گەورەترین و بەرزترین مووچە لە مێژووی تۆپی پێدا بداتە راهێنەری ریال مەدرید و دەڵێ ئەوە مووچەی سەدەیە.
رۆژنامەكە ئاشكرای كردووە كەریمۆڤی سەرمایەداری رووسی كە خاوەنی یانەكەیە، پەیوەندی بە مۆرینۆوە كردووە و ئاگاداری كردووەتەوە ئامادەیە ساڵانە مووچەی 25 ملیۆن یۆرۆی بێ باجی بداتێ، بەو مەرجەی مەشقی یانەی ئینجی لە ئەستۆ بگرێت، بەڵام ئەو راهێنەرە دەستەوارەكەی رەتكردووەتەوە.
یانەی ئینجی ئێستا ساڵانە مووچەی 20 ملیۆن یۆرۆ دەداتە ساموێل ئیتۆی كامیرۆنی و 5 ملیۆن یۆرۆش دەداتە رۆبەرتۆ كارلۆسی بەرازیلی.