فابیۆ كاپیلۆی راهێنەری هەڵبژاردەی ئینگلتەرا دڵخۆشی بە توانا و یاریكردنی واین روونی هێرشبەری هەڵبژاردەكەی دەربڕی و گوتی روونی لە دوو یاری رابردووی هەڵبژاردەكەدا گەیشتە ئاستی راستەقینەی خۆی كە لووتكەیە.
روونی لە سۆفیا دوو گۆڵی لە هەڵبژاردەی بولگاریا تۆمار كرد و پێشەوایەتی هەڵبژاردەكەی كرد بۆ بردنەوە 3-1، كاپیلۆ لەو بارەیەوە گوتی من دڵخۆشم بە ئاستی ئەو و ئەو بووەتە هۆكارێكی سەرەكی بۆ ركابەریكردنی بەهێزمان لە پاڵاوتنەكان و كۆتاییەكانی یۆرۆی 2012.
راهێنەرە ئیتاڵییەكە گوتی روونی ئەمساڵ لە ساڵی رابردوو زۆر جیاوازە، ئێستا كە روونی دەبینی لە یاریگەدا باوەڕ بە چاوەكانی خۆت ناكەی، لە لوتكەی هونەری و جەستەییدایە.