چیزاری براندیلی راهێنەری هەڵبژاردەی ئیتاڵیا بووە یەكەم راهێنەر بتوانێ بەر لە دوو گەڕ لە كۆتایی هاتنی پاڵاوتنەكان، بۆ كۆتاییەكانی یۆرۆ سەر بكەوێت.
هەڵبژاردەی ئیتاڵیا دوێنێ سەركەوتنێكی قورسی بەسەر هەڵبژاردەی سلۆڤینیادا 1-0 تۆمار كرد و بەوەش بلیتی پەڕینەوەی بەرەو یۆرۆی 2012 كە بڕیارە لە پۆڵەندا و ئۆكراینا ئەنجام بدرێت، بڕی.
براندیلی خۆشحاڵیی گەورەی خۆی بەو سەركەوتنە دەربڕی و دووپاتی كردەوە كە تیپەكەی ئازایەتییەكی گەورەی پێشاندا و توانی ئامانجی خۆی بەدەست بێنێت.
راهێنەری ئیتاڵیا زیاتر گوتی ییارییەكەی سلۆڤینیا یارییەكی قورس بوو، ئێمە پێویستی زۆرمان بەوە بوو درز بخەینە ناو بەرگری سلۆڤینیاوە، تا ئەوەمان كرد و گۆڵی بردنەوەمان تۆمار كرد، ماوەیەكی زۆری ویست.