بەفرین قادر یاریزانی یانەی ئافرەتانی هەولێر بۆ تۆپی پێ:كێشەی سەرەكی ئێمە نەبوونی یاریگایە
- باشە، بەڵام وەكو پێویستیش نییە كە شایەنی باسكردن بێت، چونكە زۆر لە یانەكانی شارەكان گرنگی پێ نادەن تاكو بەشێویەكی باش پێشكەوتن بەخۆیەوە ببینێ.
* بۆ پێشكەوتنی ئەم یارییە چی بكرێت ؟
- یاریگەی زیاتر بكرێتەوە، هانی كچان بدرێت، ئێمە یاریگەیەكی كراوەمان هەیە ناتوانین زستان و هاوین مەشقی تێدا ئەنجام بدەین. بۆیە ئەگەر یاریگەكانی كوردستان باش بێت یاریزانی زیاتریش دروست دەبێت .
* وەكو كچە یاریزانێك داواكاریت چییە؟
- پێویستە هاوكاریمان بكرێت وخوڵی زیاترمان بۆ بكرێتەوە، چونكە ئێمە ماوەیەكی زۆرە خۆمان ئامادە دەكەین و ساڵانە یەك خولمان بۆ دەكرێتەوە، ئەوەش كاریگەری دەبێت لەسەرمان .
* لە یانەی فەتاتی هەولێر كێشە وگرفتتان چییە ؟
- كێشەی سەرەكی ئێمە و گشت یانەكانی تریش نەبوونی یاریگەیەكی شایستەیە بۆیاریزانە كچەكان،كەمی پاڵەوانێتییە، ئەگەر نا هیچ كێشەیەكەمان نیبە.
*هیواو ئاواتت وەكو كچە وەرزشكارێك ؟
-بەهیوای ئەوەم بتوانم ببمە یاریزانێكی باش بۆ ئەوەی لە پاڵەوانێتییەكان سەری شاری هەولێر بەرز بكەینەوە.
*هیچ یانەیەك داوای لێ نەكردی یاری بۆ بكەی ؟
-بەڵێ یانەی قەڵا داوای لێ كردوومە، بەڵام ڕیزی یانەكەم جێناهێڵم .
* یانەكەتان چۆن هاوكاریتان دەكات ؟
-باشە وەكو پێویست ئاوڕمان لێدەدەنەوە پێداویستیمان بۆدابین دەكەن .
*چی بەو كچانە دەڵێی كە وەرزش ناكەن؟
-بەهیوای ئەوەم بەزووترین كات بێنە ناو وەرزش، چونكە وەرزش جیهانێكی خۆشەویستی و لێك تێگەیشتنە.
*خوێندن نابێتە كۆسپی سەر رێگای وەرزش كردنت؟
-نەخێرمن كاتەكانی خوێندن و وەرزشم جیاكردۆتەوە نەمهێشتوە كاریگەریان بەسەر یەكتری هەبێت.
* لە لێژنەی ئۆڵۆمپی داواكاریت چییە ؟
-هیوادارم زیاتر پشتگیری تیپەكانی كچان بكەن. بۆ ئەوەی زیاتر كچانیش شان بە شانی كوڕان بهێننە ناو وەرزش.
