گۆڵكەر دراوێكی دەگمەنە لە جیهانی تۆپی پێدا، چونكە یاریزانی گۆڵكەر پێویستی بە لێهاتووێكی زۆرە بۆ ئەنجامدانی ئەم كارە زەحمەتە، كە 11 یاریزان لە تیپەكە هەوڵی بۆ دەدەن، هەر بۆیە یانەكان ئێستا پارەی خەیاڵی خەرج دەكەن بۆ هێنانی یاریزانێكی گۆڵكەر بۆ تیپەكانیان، لە مێژوودا یانە گەورەكانی ئەوروپا كە خاوەن بناغەیەكی جەماوەری بەرفرەوانن شانازی بە گۆڵگەرە مێژووەكانیان دەكەن، ئەوەش ناوی گۆڵكەرە مێژووەكانی یانە گەورەكانی ئەوروپایە:
* یانەی ریال مەدرید: گۆڵكەرەكەی یاریزانی ئەفسانە رائول گۆنزالیسە كە 323 گۆڵی لە 741 یاری تۆماركردووە لە ماوەی 1994 تا 2010.
* یانەی بەرشلۆنە: گۆڵكەرەكەی یاریزان سیزار رۆدریگزە كە 235 گۆڵی تۆماركردووە لە ماوەی 1939 تا 1955.
*مانچستەر یونایتد: گۆڵكەرەكەی یاریزانی بەناوبانگ بۆبی چارلتۆنە كە 249 گۆڵی تۆماركردووە لە ماوەی 1956 تا 1973.
* ئەرسنال: یاریزانی فەرەنسی تێری هینری گۆڵكەری مێژووییە لەم یانەیە بە تۆماركردنی 226 گۆڵ لەو ماوەیەی كە لە ئەرسنال یاری كردووە.
*لیڤەرپول: یاریزانی ویڵزی ئەیان راش گۆڵكەری مێژووییە بە تۆماركردنی 346 گۆڵ لە 660 یاریدا.
*چێلسی: گۆڵكەرەكەی یاریزانێكی ئینگلیزییە كەناوی بۆبی تاملینگە كە 202 گۆڵی تۆماركردووە بۆ یانەی بلوز لە ماوەی 1959 تا 1970.
*ئەی سی میلان: گۆڵكەرە مێژووییەكەی یاریزانێكی سویدییە بە ناوی گنەر نۆردال بوو بە تۆماركردنی 221 گۆڵ لە ماوەی 1949 تا 1956.
* ئینتەر میلان: یاریزانی ئیتالی بەناوبانگ جۆسیپی میانزا گۆڵكەری مێژووییە بە تۆماركردنی 284 گۆڵ.
*یۆڤانتس: گۆڵكەرەكە تا ئێستا یاری دەكات ئەویش یاریزان ئەلیساندرۆ دیل پییرۆیە كە تا ئێستا 284 گۆڵی تۆمار كردووە.
*رۆما: گۆڵكەری ئەم یانەیەش تا ئێستا یاری دەكات ئەویش یاریزان فرانچیسكۆ تۆتییە كە 262 گۆڵی تۆمار كردووە.
*بایرەن میونیخ: بێگومان ناوی گۆڵكەرە مێژووییەكەی ناسراوە كە یاریزانی بە ناوبانگ گێرد مۆلەرە بە تۆماركردنی 486 گۆڵ.