دوای ئەوەی یانەی پێشمەرگەی سلێمانی لە وەرزی رابردوو لە خولی بژاردەی عێراق بۆ خولی پلە نایابەكان دابەزی لە ئێستاوە ئەم یانەیە گرێبەستی لەگەڵ چەند یاریزانێك مۆركردووە و لە هەمان كاتدا دەستبەرداری 15 یاریزان بوونە و لە كاتی ئێستادا بڕی زیاتر لە 250 ملیۆن دیناری لە گرێبەستی یاریزانان خەرج كردووە و گەورەترین گرێبەستی یانەكە 22 ملیۆنە.
گرێبەستی یاریزانانی یانەی پێشمەرگەی سلێمانی بەمشێوەیە بۆ وەرزی داهاتوو.
1- شكار موحسین (یانەی پێشمەرگەی هەولێرەوە) (22) ملیۆن دینار، 2- كارسازمحەمەد (یانەی سیروانی نوێ) ( 18) ملیۆن دینار، 3- ئارام محەمەد (یانەی سلێمانی) (15) ملیۆن دینار، 4- گۆران كەریم (یانەی سلێمانی)(10) ملیۆن دینار، 5- بیلال سەلیم(یانەی سلێمانی)(10) ملیۆن دینار، 6- عەلی كازم (یانەی دیوانیە) (12) ملیۆن دینار، 7- رێناس قانیع ( تیپی میللی) بەبێ گرێبەستە، 8- شوان عەلی(تیپی میللی) بەبێ گرێبەست.
یاریزانە دوورخراوەكان بریتی بوون لە.
1- سامح رۆستم بۆ یانەی زاخۆ، 2- هەردی نورەدین بۆ یانەی زاخۆ، 3- دارا محەمەد بۆ یانەی نەفەت، 4- سۆران حەسەن، گۆران قادر، بڕیار حمە ساڵح، هاوكارحوسێن، زیا عەبدولحەكیم، سامان ئەحمەد، كامەران سالار بۆ یانەی نەورۆز،5- عەباس سوڵتان بۆ سلێمانی، 6- عەلی ئەحمەد، ئەمجەد وەلی بۆ یانەكانی شاری كەركوك، 7- زیاد عەلی، كارزان عەزیز، سامان جەلال بۆ یانەی سلێمانی،8- عەلی تەحسین بۆ یانەی سیروانی نوێ.
جێگەی باسە گرێبەستی راهێنەر سەردار ساڵح 25 ملیۆن دینارە و وا بڕیارە ئۆردوگایەكی مەشقی لە وڵاتی لوبنان بۆ ماوەی 10 رۆژ ئەنجام بدەن و دوو یاری لەگەڵ یانەكانی عەهد و نەجمە ئەنجام بدەن.