كەناڵی كانال سپۆرتی ئیسپانی ئاشكرای كرد مەسعوود ئۆزێلی یاریزانی كوردی یانەی ریال مەدریدی ئیسپانی پاڵێوراوێكی سەرەكییە بۆ بەدەستهێنانی نازناوی تۆپی زێڕینی وەرزی ئەمساڵ.
ئۆزێل هەفتەی رابردوو لە یاری هەڵبژاردەی ئەڵمانیا بەرامبەر نەمسا لە پاڵاوتنەكانی یۆرۆی 2012 پێشەوایەتی هەڵبژاردەكەی كرد بۆ سەركەوتن بەرەو كۆتاییەكانی ئەو پاڵەوانیەتییە دوای ئەوەی توانی 3 گۆڵ (هاتریك) تۆمار بكات.
ئۆزێل كە بەرەگەز كوردی كوردستانی توركیایە، وەرزی رابردیوو لە یانەی بایەر لیڤەركوزنی ئەڵمانییەوە پەیوەندی بە یانەی ریال مەدریدەوە كرد و لەو كاتەوە ئاستێكی بەرز لەگەڵ ئەو یانەیەدا پێشكەش دەكات و درەوشانەوەی ئەو بووەتە هۆی ئەوەی ریكاردۆ كاكای ئەستێرەی بەرازیلی لە یانەكە ببێتە یاریزانی یەدەگ.
بەپێی كەناڵەكە ئۆزێل پاڵێوراوێكی بەهێزە بۆ بردنەوەی نازناوەكە و لەم كارەدا ركابەرێتیی هەردوو ئەستێرە لیۆنێل میسی و كریستیانۆ رۆناڵدۆ دەكات.